Për të tretën ditë radhazi, Shqipëria ka regjistruar vetëm 4 raste të reja me koronavoris. Por siç njoftoi Ministria e Shëndetësisë në raportin e përditshëm, mes të infektuarve është dhe një grua shtatzënë.
“Në 24 orët të fundit janë testuar 246 qytetarë të dyshuar si të prekur me Covid-19.
Në 24 orët e fundit, kanë rezultuar pozitivë 4 qytetarë, përkatësisht 2 në Berat dhe 2 në Tiranë, mes të cilave një grua shtatzënë. Ndërsa të shëruar janë 6 qytetarë.
Deri më sot janë konfirmuar pozitivë me COVID-19 në të gjithë vendin 880 qytetarë, 78% e të cilëve janë shëruar”, u tha në deklaratë.
Kujtojmë se me këto tregues, të cilët janë brenda normalitetit dhe pa asnjë rrezik për kërcënimin e reagimit shëndetësor, qeveria ka premtuar të tjera heqje kufizimesh. /tesheshi.com/
