Është rritur në 17 numri i të infektuarve në Shqipëri në 27 orët e fundit, pas 7 ku ra një ditë më parë. Rastet e reja janë më së shumti në Tiranë, ku shtohet dhe Kamza.
Deklarata e autoriteteve:
“Gjatë 24 orëve të fundit në Shqipëri janë kryer 270 testime për persona të dyshuar me COVID-19 dhe prej tyre 17 kanë rezultuar pozitivë. 11 të prekur janë kontakte të rasteve të mëparshme pozitivë me COVID19, ndërsa për 6 të prekur po vijon hetimi epidemiologjik në terren.
Rastet pozitive të ditës së sotme janë të shpërndara përkatësisht, 9 raste në Tiranë, 5 raste në Krujë dhe Kamza me 3 raste, vatër familjare. Që nga fillimi i epidemisë deri më sot janë konfirmuar pozitivë me COVID-19 në të gjithë vendin 820 qytetarë.
Në 24 orët e fundit nuk janë regjistruar të shëruar, por 70% e atyre që janë infektuar janë shëruar. Aktualisht janë 219 persona aktivë me COVID19. Ka një rritje të rasteve në 24 orët e fundit, jo vetëm në numrin e rasteve të identifikuara por edhe shtrimet në spital janë shtuar. Dje ishin 6 të infektuar, ndërsa sot 17.
Në dy spitalet COVID, janë 38 të shtruar nga të cilët 8 janë në terapi intensive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë”. /tesheshi.com/
