Meksika regjistroi të martën 501 vdekje të reja nga koronavirusi, rritja më e madhe një-ditore e numrit të viktimave COVID 19 në vend deri më tani, për shkak të një kërcimi rekord në numrin e rasteve të reja.
Numri i përgjithshëm i personave të infektuar në Meksikë është tani 74.560, ndërsa 8.134 vdiqën, njoftuan autoritetet shëndetësore në një konferencë për shtyp.
Një rast i ri në Kinë
Kina regjistroi të martën një rast të ri me koronavirus, pasi kishte shtatë të infektuar rishtas një ditë më parë, njoftoi Komisioni Kombëtar i Shëndetit.
Kishte gjithashtu 28 raste të reja asimptomatike – pacientë të infektuar pa simptoma, në krahasim me 29 ditë më parë.
Numri i përgjithshëm i rasteve të konfirmuara të COVID 19 në Kinë është 82,993. Numri i të vdekurve mbeti i pandryshuar në 4,634. /tesheshi.com/
