Një infektim VIP ka ndodhur në vijën e parë të frontit në luftën kundër COVID. Pas Dr. Skënder Bratajt në periudhën e karantinës, është Dr. Silva Bino në trupin e së cilës ka hyrë virusi famëkeq, duke e vënë në sprovën e jetës.
Ajo është e shtruar prej tre ditësh në Infektiv, thënë ndryshe në shtëpinë e saj dhe ministrja Manastirlliu u mjaftua me pak fjalë për ta konfirmuar si lajm.
“I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT.
Mjekët konfirmojnë se gjendja e saj është e stabilizuar.
Dr. Bino të presim të na bashkohesh sa më pare”, shkroi gruaja në krye të shëndetësisë shqiptare. /tesheshi.com/
