Parlamenti indonezian po shqyrton ndryshimin e ligjit penal për të përfshirë një ndalim mbi marrëdhëniet seksuale jashtëmartesore, raporton Reuters.
Komisioni Parlamentar po punon për ndryshime në ligjin që u miratua qysh në epokën koloniale, dhe sipas draftit ajo përmban një ndalim për marrëdhëniet seksuale të partnerëve jo të martuar dhe atyre me gjini të njëjtë, të cilët nuk janë rregulluar deri më tani.
Tradhtia bashkëshortore ishte ndaluar edhe më parë, por ndalimi tani po zgjerohet.
“Është e vërtetë se grupet shumicë fetare në Indonezi kanë të njëjtat vlera dhe ky rishikim është zëri i shumicës dhe të gjitha kulturave në Indonezi”, thotë Euis Sunarti, një anëtar i Aleancës së krishterë që mbështet ndryshimet në ligj.
Një debat publik është duke u zhvilluar për ndryshimet ligjore dhe shumica e palëve duket se mbështesin rregulloret e reja, veçanërisht ato që ndalojnë marrëdhëniet homoseksuale. /tesheshi.com/
