Prodhuesi turk i industrisë së mbrojtjes Baykar po eksporton dronët Bayraktar në Indonezi si pjesë e një marrëveshjeje të re, raporton Anadolu.
CEO i Baykar, Haluk Bayraktar dhe themeluesi i Republikorp, Norman Joesoef nënshkruan një marrëveshje të përbashkët prodhimi të mërkurën për eksportin e dronëve Bayraktar TB3 dhe Akinci.
Kjo marrëveshje është një nga shumë të nënshkruara gjatë vizitës së presidentit turk Rexhep Tajip Erdogan në Indonezi.
Sipas burimeve, Indonezia do të marrë 60 dronë Bayraktar TB3 dhe nëntë drone Bayraktar Akinci.
Shitje në mbarë botën
TB3 është një model i avancuar i dronit TB2, i cili është shitur në një numër rekord vendesh në mbarë botën.
Me një strukturë krahësh të palosshme, Bayraktar TB3 mund të ngrihet dhe të ulet nga anijet që kanë pista të shkurtra.
Droni Akinci ka fuqi të konsiderueshme parandaluese në fushën e betejës falë aftësisë së tij të fluturimit në lartësi të madhe, qëndrueshmërisë afatgjatë dhe aftësive të ndryshme të armëve.
Ai gjithashtu ofron mbështetje për ekipet humanitare në misionet e kërkim-shpëtimit dhe gjatë tërmeteve dhe zjarreve. /tesheshi.com/
