Ndërsa ekipet e shpëtimit në ishullin indonezian të Sulawesit janë duke luftuar kundër kohës për të shpëtuar ata që janë ende të bllokuar nën rrënojat, vullnetarët po përgatisin një varr masiv ku do të futen më shumë se 1300 viktima të tërmetit që shkaktoi tsunamin e të premtes.
Ndërkohë, zyrtarët po përgatiten për më të keqen, duke pasur frikë se numri i të vrarëve në ditët në vijim do të rritet më tej.
Të mbijetuarit në dëshpërim po plaçkitin dyqanet duke kërkuar ushqim, ujë dhe lëndë djegëse, ndërsa policia po shikon dhe nuk dëshiron të ndërhyjë.
“Asnjë ndihmë, dhe ne duhet të hamë. Ne nuk kemi tjetër zgjedhje, duhet të sigurojmë ushqim”, tha një nga të mbijetuarit
Vendet fqinje, Australia, Tajlanda dhe Kina kanë ofruar ndihmë për Indonezinë, ndërsa Bashkimi Evropian ka shpallur 1.5 milion euro ndihma emergjente. /tesheshi.com/
