Pranimi nga Inxhiniere Luljeta Bozo për t’u bërë pjesë e listës së deputetëve të PS-së më 25 prill, ftuar nga Rama, vijon të jetë “lajm dite”, shumë më tepër sesa e ajo e të njëjtit zhvillim me Dr. Najada Çomon një ditë më parë.
Duke gëzuar një reputacion absolut, ajo kapi në befasi, jo ajo por “Po”-ja e saj për t’ju bashkangjitur “trenit politik “të Ramës, zërat e skalioneve mediatike opozitare.
Por pse e ka pranuar një ftesë të tillë zonja në moshë të thyer por plot energji deri dhe rinore, duke qenë aktive sidomos në frontin e Rindërtimit?
Ajo, edhe pse thotë se nuk e ka menduar ndonjëherë të qenit apo të zgjedhurit deputete, pohon se e ka pranuar pa hezitim ftesën. Dhe, indicia, ka qenë pikërisht nevoja që kanë njerëzit për personazhe si ajo.
“Propozimi erdhi nga një takim pune për programin e rindërtimit! Nuk më kishte shkuar ndonjëherë në mendje që një ditë mund të isha pjesë e Kuvendit të Shqipërisë.
Në minutën e parë u befasova, por duke ditur dëshirën që kanë njerëzit për personazhe si mua dhe plot të tjerë që mund të japin zërin, opinionet dhe mendimet për zgjidhjen e problemeve dhe vlerësimet që kishte kryeministri, pas një hezitimi të vogël e pranova, si një qytetare jo se e kisha objektiv për të qenë pjesë e Kuvendit të Shqipërisë”, tha znj. Bozo në një intervistë për Report Tv.
Ing. Bozo ka bindjen se në parlament kontributi i saj do jetë tejet i vyer.
“Do të propozoj gjëra të reja që mund të realizohen, jo vetëm në fushën e ndërtimit. Do të bëj maksimumin e mundshëm, aq sa mund të bëjë një zë”, tha znj. Luljeta Bozo. /tesheshi.com/
