India, një vend ku adhurohet lopa dhe urina e saj pijet si “ujë I shenjtë”, ofron dhe çudira të tjera të kësollojshme. Njëra prej tye është ajo e një njeriu me emrin Amar Bharati.
Në vitet ‘70 ai kishte gjithçka që një njeri mund të dëshironte. Edhe pse jetonte në Indinë e varfër, kishte një punë të mirë në një bankë, apartamentin e tij, gruan dhe tre fëmijë. Por ai nuk ishte i kënaqur me mënyrën e jetesës dhe botën rreth tij. Një ditë, pohon ai, përjetoi “ndriçim të plotë”, shkruan Daily Star.
Kështu, vendosi t’ia kushtonte jetën hyjnisë indiane Shiva dhe u zotua të mos ulte kurrë dorën e djathtë.
Ai la punën e tij, miqtë dhe familjen dhe u bë sadhu (‘vetmitar i shenjtë’). Është, siç u tha ai vetë gazetarëve gjermanë që e vizituan, mënyra e tij për të promovuar paqen në botë.
“Unë nuk po kërkoj shumë. Nuk e kuptoj pse njerëzit janë vazhdimisht në luftë. Nuk e di se çfarë na bën të urrejmë. Unë dua që India dhe e gjithë bota të jetojnë në paqe,” tha ai në një intervistë dhjetë vjet më parë.
Nuk dihet saktësisht se kur ka filluar ta praktikojë këtë zotim, më së shpeshti përmendet në vitin 1973, por thotë se nuk ndjen më dhimbje.
“Dy vitet e para ishin të vështira. Dhimbjet ishin jashtëzakonisht të forta, por me kalimin e kohës e humba plotësisht ndjenjën në krah“, pranon Amar.
Në Instagram dhe rrjete të tjera sociale ka disa foto të turistëve që kanë arritur të gjejnë këtë vetmitar për të cilin dihet shumë pak.
Dhe edhe nëse vendos të ulë dorën, kanë argumentuar përdoruesit e forumeve të ndryshme, kjo ndoshta nuk do të ishte e mundur pa lëndime të rënda, sepse dora ka humbur elasticitetin dhe kockat në të janë dëmtuar shumë. /tesheshi.com/
