Parlamenti Indian ka aprovuar një projekt-ligj për t’i dhënë fund praktikës së “divorcit të çastit”, i njohur ndryshe si talak pasi Gjykata Supreme tha se shkelte të drejtat kushtetuese të grave.
Divorci i çastit, i cili është i përhapur në vendet me shumicë muslimane por edhe në Indi, konsiston me përsëritjen e trefishtë të fjalës “ndarje” gjë që sipas juridiksionit islam, bën që martesa të marrë fund.
Por vendimi i Indisë për të kriminalizuar një praktikë të tillë nuk vjen nga mëshira që kanë ndaj grave muslimane, duke qenë se India është vendi ku grave u mohohet e drejta për jetë qysh në barkun e nënës.
Ndalesa pati më shumë kahje politike, pasi edhe kryeministri indian Narendra Modi u përpoq të trumpetonte vendimin e fundit të parlamentit, duke iu gëzuar, siç tha ai, “fitores së barazisë gjinore”.
Praktika e divorcit të çastit megjithatë nuk është e përhapur te muslimanët perëndimorë që jetojnë në Evropë dhe SHBA, por vazhdon të jetë e pranishme në Lindjen e Mesme dhe disa vende të Afrikës.
Grupet e komunitetit musliman besojnë se divorci i çastit është praktikë e panevojshme, e megjithatë thonë se u takon komuniteteve fetare që të rishikojnë çështjen e jo qeverisë.
Praktika e divorcit së castit është vendosur në një kohë kur grave u është dashur një siguri se nuk ka “lojë me fjalët” kur bëhet fjalë për martesën, dhe se nëse gojarisht shprehet dëshira për divorc, martesa më nuk është fetarisht legjitime. /tesheshi.com/
