Autoritetet e Indisë kanë urdhëruar ndalimin e ritit të faljes në kompleksin Taj Mahal, përveç të premten gjatë xhumasë.
Urdhëri ka dalë nga Zyra Indiane e Kërkimeve Arkeologjike, sipas së cilës kjo është në përputhje me vendimin e mëparshëm të Gjykatës Supreme të Indisë.
“Adhurime në xhami do të ketë vetëm të premten dhe vetëm banorët vendas do të jenë në gjendje të marrin pjesë anë to, me paraqitjen e detyrueshme të dokumenteve personale”, tha një zyrtar.
Syed Ibrahim Hussein Zaidi, kreu i komitetit të xhamisë, e dënoi ashpër ndalimin dhe e quajti atë anti-musliman.
“Kjo tregon vetëm kompleksin e tyre mendor. Ndalimi është i paligjshëm dhe ju nuk mund t’u ndaloni besimtarëve të kryejnë lutje çdo ditë”, tha ai.
Në korrik të këtij viti, Gjykata e Lartë indiane urdhëroi ndalimin e muslimanëve nga vende të tjera për të kryer namazin në xhaminë e famshme.
Vendimi thekson se xhamia është pjesë e kompleksit Taj Mahal, një nga shtatë mrekullitë e botës, mbrojtja e të cilit është një përparësi.
Taj Mahal është një monument arkitekturor në Agra, ndërtuar nga shahu Jahan në shekullin e 16-të si një mauzole për gruan e tij, Mumtaz Mahal.
Kompleksi përbëhet nga një ndërtesë qendrore tetëkëndore e bërë nga mermeri të bardhë, një xhami dhe një hapësirë pushimi.
Mijëra turistë vizitojnë Taj Mahal-in çdo ditë si një nga veprat më spektakolare arkitekturore në botë. /tesheshi.com/
