Qeveria e Indisë ka bërë me dije se po planifikon të heq pjesën e Kushtetutës që i jep privilegje të veçanta Kashmirit, rajonit të administruar prej saj.
Neni 370, i cili i jep Kashmirit më shumë autonomi se çdo shteti tjetër indian, është tejet i ndjeshëm sepse është baza mbi të cilën ky shtet iu bashkua Indisë.
Ministri i Brendshëm Amit Shah bëri njoftimin në parlament mes protestave masive të opozitës.
Masa pritet të shkaktojë trazira. Neni 370 i lejon Kashmirit që të ketë Kushtetutën e vet, një flamur të veçantë dhe pavarësi mbi të gjitha çështjet, përveç punëve të jashtme, mbrojtjes dhe komunikimit.
Si India, ashtu dhe Pakistani pretendojnë se i gjithë Kashmiri duhet të jetë nën kontrollin e tyre. Dy fuqitë rajonale kanë pasur dy luftëra dhe një konflikt të kufizuar mbi territorin himalajas. tesheshi.com/
