Një vizitë në një park argëtimi u shndërrua në një makth për dhjetëra njerëz në qytetin indian të Mohalit, kur kulla në të cilën po ngjiteshin u thye dhe u rrëzua në tokë.
Videot e regjistruara nga dëshmitarët okularë tregojnë momentin e aksidentit që dërgoi në spital të paktën 16 persona.
Siç shihet edhe në video, rënia ka ndodhur nga një lartësi prej rreth 25 metrash.
At least 16 hospitalized after an amusement ride accident in India.
— Russian Market (@runews) September 4, 2022
Mediat lokale raportojnë se disa prej të plagosurve janë goditur në kokë dhe qafë. Sipas të njëjtave burime, ka ankesa për masat e pamjaftueshme të sigurisë në lojën e diskutueshme.
Pas aksidentit, forcat e policisë kanë shkuar në vendngjarje dhe autoritetet lokale kanë nisur hetimet për rrethanat në të cilat ka ndodhur aksidenti. /tesheshi.com/
