Fituesi i këtij viti i Nobelit për Letërsinë, Peter Handke, ndërpreu një bisedë me gazetarët të martën në mbrëmje në vendlindjen e tij Griffen në Carinthia, dhe një takim po me gazetarë të planifikuar për të mërkurën u anulua.
Takimi në Griffen u ndërpre pasi një gazetar i Handke e pyeti se çfarë mendonte për kritikat që kishte marrë një ditë më parë nga fituesi i çmimet letrar gjerman Sasha Stanisiç, një shkrimtar me origjinë nga Vishegradi.
“Unë jam duke qëndruar para derës së kopshtit tim dhe ka 50 gazetarë dhe të gjithë bëjnë pyetje si ju. Nuk dëgjoj nga asnjë prej tyre nëse ka lexuar diçka nga ajo që unë kam shkruar. Të gjithë flasin vetëm për reagimet. Unë jam një shkrimtar, unë vij nga Tolstoy, Homer, Cervantes. Më lini të qetë dhe mos më bëni të tilla pyetje”, tha Handke, sipas radios austriake Oe1.
Ai shtoi se kurrë nuk do të përgjigjet pyetjeve të gazetarëve që, pavarësisht Nobelit, kurrë nuk ishin të interesuar për letërsinë e tij.
Më tej, në një prononcim për beogradasen “Vecernje Novosti”, Handke u pendua që nuk i goditi gazetarët e lartpërmendur.
“Pjesën jashtme e kanë të e ëmbël, dhe nga brenda, janë plotësisht e verbër në të njëjtën kohë. Duken shumë të civilizuar, por në fakt janë të pasjellshëm. Ata nuk dinë asgjë. I ftova brenda, por duhej t’i nxirrja të gjithë jashtë. Të nesërmen në mëngjes pyeta veten – pse nuk i godita?”, tha Handke, duke shtuar se kritikat e tyre nuk kishin asnjë kuptim dhe nuk arritën ta prishnin kënaqësinë e tij.
Dhënia e Nobelit të Letërsisë për Peter Handke ka provokuar reagime të shumta kundërshtuese, mu për shkak të mbështetjes së tij për Millosheviçin dhe mohimin e genocidit të Srebrenicës. /tesheshi.com/
