Përveç disa incidenteve të vogla ku janë arrestuar disa persona të dyshuar për blerje votash, është regjistruar incidenti më serioz në procesin e votimit.
Partia Demokratike ka tërhequr komisionerët e saj në Divjakë, duke bllokuar procesin e votimit në gati 30 qendra.
Komisionerët janë larguar pasi pretendojnë se jashtë tyre qëndrojnë persona të cilët kërkojnë të ndikojnë te votuesit.
Kreu i PD në Lushnje, Myslym Murizi deklaroi se “Problematika ekziston në 30 qendra dhe për këtë arsye janë tërhequr komisionerët”.
Ndërsa për këto raste ka reaguar edhe Erion Braçe, i cili ka thënë për Top Channel se PD po tenton të bllokojë procesin e votimit. Ai ka deklaruar se komisionerët do të procedohen penalisht mbi këtë rast. /tesheshi.com/
