Kryeministri i Malit të Zi, Dritan Abazoviç, kërkoi falje për incidentin në Murriqan ndaj Petraq Milos, ekspert ekonomie, duke thënë se aktorët që kryen atë akt të shëmtuar do të dënohen.
“Shkurt më vjen shumë keq që ka ndodh ky incident, i kam kërkuar falje profesorit. Masat janë marrë menjëherë dhe janë arrestuar aktorët e këtij incidenti.
Më vjen keq që ka ndodhur kjo kjo gjë dhe kushdo që vjen nga Shqipëria është i mirëpritur.
Nuk kam qejf të politizohet kjo çështje, pasi nuk ka të bëjë me politikën zyrtare, por me një rast katastrofal.
E ftoj profesorin që të vijë, unë i kam kërkuar falje dhe çdokush është i mirëseardhur. Ata njerëz që kanë përgjegjësi për atë që ka ndodhur do të dënohen. Ligji do të zbatohet.
Pati keqinterpretime nga ana ime se dikush ka prishur radhën, pas informatave që kam marrë profesori nuk e ka prishur radhën, madje ai ka dashur të jap kontributin e tij”, tha Abazoviç, duke avokuar njeriun që në publik njihej dhe si ish-këshilltar i Berishës e së fundi i Metës. /tesheshi.com/
