Një incident i natyrës politike u shënua në fund të një fjalimi që presidenti Trump mbajti para Kongresit të udhëhequr nga demokratet. Nën një klimë tensioni për shkak të procesit të shkarkimit, Trump ia la dorën ngrehur asaj me të cilën më së shumti urrehet – Nancy Pelosit – kryetares së Kongresit, e kjo e fundit grisi fjalimin e tij.
“Kombi ynë është më i fortë se kurrë më parë” – tha Trump në nisje të fjalimit drejtuar kombit amerikan, duke vlerësuar më së pari situatën ekonomike.
Ai tha se një “rikthim i madh amerikan” u fillua tre vjet më parë.
“Vitet e rënies ekonomike kanë mbaruar,” tha ai, duke shtuar:
“Ne po ecim përpara me një ritëm që ishte i paimagjinueshëm pak kohë më parë dhe nuk do të kthehemi më kurrë aty,” tha Trump.
Ai doli në podium në orën tre me kohën e Evropës dhe foli për rreth një orë e gjysmë, një ditë para se Senati të japë një vendim përfundimtar për shkarkimin e tij të mundshëm.
“Fitoret e vetme që kanë rëndësi këtu në Uashington janë fitoret për amerikanët,” tha ai, duke renditur ato që i quajti rezultate pozitive ekonomike.
Midis tyre, ai theksoi se një numër rekord të të rinjve që kanë një punë, dhe tha se papunësia e veteranëve ka rënie rekord.
Ai vlerësoi suksesin e marrëveshjeve tregtare të lidhura kohët e fundit, ku theksoi se Shtetet e Bashkuara ishin të parat në prodhimin e gazit dhe naftës, që kufijtë ishin të sigurt, e që u rivendosën vlerat dhe krenaria kombëtare.
“Përkundër kaq shumë të tjerëve para meje, unë i mbaj premtimet e mia,” u mburr Trump, i ndërprerë vazhdimisht nga duartrokitjet dhe brohoritjet e republikanëve, ndërkohë që opozitën demokrate heshtte.
Trump bëri thirrje për fonde për t’i bërë Shtetet e Bashkuara si vendin e parë në Mars, duke thënë:
“Amerika do të jetë kombi i parë që vendos flamurin e tij në Mars”.
Ai premtoi se do të mbrojë të drejtën e qytetarëve për të mbajtur armë, dhe u tha terroristëve:
“Ju kurrë nuk do t’i shpëtoni drejtësisë nëse filloni jetën amerikane.”
Ai gjithashtu u mburr me Planin e Paqes në Lindjen e Mesme të shpallur ditët e fundit. /tesheshi.com/
