Policia ka vendosur të procedojë penalisht dy persona për ngjarjen e djeshme te ish-selia e PD-së, aktualisht godinë e shërbimeve të Bashkisë së Tiranës. Në incident, krejt pabesueshëm, u përfshi dhe presidenti Meta, për të cilin ka fjalë se ka qenë dhe i pirë teksa ka reaguar në atë lloj mënyrë që e pa krejt publiku.
Policia ka shpallur në kërkim për Agim Hoxhajn, kreun e FRD-së për Tiranën dhe Afrim Sufajn, kreun e FRD-së në njësinë 6.
“Më datë 13.03.2021, u referuan materialet në Prokurorinë pranë Gjykatës së Shkallës së Parë Tiranë, dhe punohet për kapjen e shtetasve A. H., 55 vjeç dhe A. S., 46 vjeç, sepse më datë 12.03.2021, në rrugën Abdi Toptani, kanë hyrë të paautorizuar në një godinë, duke kundërshtuar punonjësit që kryejnë një detyrë shtetërore ose një shërbim publik, të cilët kanë qenë në ruajtje të objektit. Punohet për kapjen e shoqërimin e tyre”, thuhet në deklaratën zyrtare.
Përplasja ndodhi teksa policë bashkiakë shkuan në godinë për të paralajmëruar dhe njëherë FRD-në e atyshme, përfaqësuar tashmë nga Sali Shehu, se duhej të largohej nga ambientet e bashkisë pas përfundimit të kontratës mes tyre dhe mosplotësimit të kritereve për të qëndruar aty.
Në këtë koment shfaqet, gjithnjë çuditërisht Presidenti i Republikës, i cili iu hakërrehet policëve bashkiakë se do i fusë në burg. /tesheshi.com/
