Edhe kjo ishte e pabesueshme. Në vitin 1990, në një fluturim ajror ndodhi një aksident i çuditshëm, por falë qetësisë dhe reflekseve të shpejta të ekuipazhit, por edhe faktorit fat, nuk pati viktima.
Piloti Tim Lancaster mbijetoi mrekullisht kur u thye dritarja dhe presioni i ajrit e nxori jashtë.
Anëtarët e ekuipazhit mbajtën këmbët e pilotit për rreth gjysmë ore, ndërsa avioni bëri një ulje emergjente. Të gjithë mbijetuan.
Shkak i aksidentit ishin bulonat e gabuara në xhamin e përparmë të avionit në fluturimin e British Airëays nga Mbretëria e Bashkuar në Spanjë, thanë ekspertët në një deklaratë, shkruan gazeta britanike Mirror.
Ajri e thithi pilotin në një lartësi prej 17 mijë këmbësh. Ngjarja e tmerrshme zgjati 22 deri në 30 minuta. Disa kujtuan aksidentin dhe përshkruan me saktësi ngjarjet.
Siç raporton Mirror, në mëngjesin e 10 qershorit 1990, xhami i përparmë i instaluar gabimisht u thye gjatë fluturimit 5390 të British Airways, duke shkaktuar dekompresim dhe duke e nxjerrë pilotin, Tim Lancaster, nga avioni.
Fluturimi u nis nga Birmingham në orën 7:20 të mëngjesit. drejt Malaga-s.
Në bord kishte 81 pasagjerë dhe gjashtë anëtarë të ekuipazhit, duke përfshirë pilotin 42-vjeçar Tim Lancaster.
Pas një ngritjeje të qetë, Lancaster hoqi rripin e sigurimit dhe aktivizoi autopilotin. Por në orën 7:33 të mëngjesit, xhami i përparmë i pilotit u thye, duke shkaktuar një ulje të papritur të presionit në kabinë e si pasojë duke e nxjerrë Lancaster nga dritarja.
Hetuesit më vonë arritën në përfundimin se xhami i përparmë ishte zëvendësuar vetëm 27 orë më parë, por shumica e bulonave të përdorura ishin të papërshtatshme.
Në një intervistë për gazetën Sydney Morning Herald, Nigel Ogden kujton momentet tronditëse që ka përjetuar atë mëngjes:
“Ishte si një shpërthim të madh. Pastaj pashë që xhami i përparmë ishte zhdukur dhe Tim, piloti, po fluturonte nga dritarja. Gjithçka që mund të shihja ishin këmbët e tij. Arrita ta kapja rreth belit dhe kur fillova të mendoj se nuk mund ta mbaja më, një stjuardesi i dytë, John Heward, më erdhi në ndihmë pasi arriti të kapë rripin e Timit.” /tesheshi.com/
