Incidenti në fillimin e mbledhjes së kryesisë së PD-së mes Jemin Gjanës dhe Valbona Mezinit, sekretare për Organizatat Partnere, ishte i parapërgatitur, referuar këtu edhe audio-regjistrimeve. Kështu u shpreh deputeti Genti Strazimiri, duke komentuar mbledhjen e një dite më parë. Strazimiri, i ftuar në rubrikën “Opinion” tha se në mbledhje pati debat dhe kjo është gjë e mire
Sipas tij, prioritet i çdo demokrati është shpëtimi i vendit nga Edi Rama.
“Për fat të mirë pati debat dhe ishte një nga mbledhjet më të mira të kryesisë. Mund tju them se gjithçka u zhvillua me sinqeritet. Ishte një mbledhje që zgjati rreth 5 orë dhe gjithkush dha mendimin e tij. Besoj se jemi në rrugën e duhur dhe do kemi edhe rezultatet e para, qoftë edhe emocionale. Prioriteti i çdo demokrati është shpëtimi i vendit nga Edi Rama.
Nuk është aspak thelbësore incidenti dhe po të më pyesnit para pak orësh do ju thoja që emocionet janë një gjë e mirë.
Por tashmë ju them që ka dalë një audioregjistrim, çka tregon që ka qenë i përgatitur. Ishte një moment emocioni deri në kufijtë e tensionit, por nuk njolloset mbledhja”, tha Strazimiri. /tesheshi.com/
