Ministri i Brendshëm italian Matteo Salvini tha se ai kundërshton pezullimin e ndeshjeve ose mbylljen e stadiumve për spektatorë, si një masë e marrë në konsideratë pas klithmave raciste në ndeshjen Inter-Napoli.
“Mbyllja e stadiumeve, ndërprerja e ndeshjeve ose ndalimi i transportit të tifozëve është një dorëheqje e shtetit”, tha Salvini, gjithashtu kreu i së djathtës ekstreme italiane – LEGA.
“Unë mbroj transferimin e përgjegjësisë tek tifozët dhe t’u thuhet se duhet të paguajnë për një gjë të gabuar”, shtoi Salvini pas një takimi në Romë mbi masat e sigurisë në stadiume.
Salvini mblodhi përfaqësues të forcave të policisë, federatave sportive, gjyqtarëve, trajnerëve dhe përfaqësuesve të tifozëve të klubit pas incidenteve në përballjen Inter-Napoli më 27 dhjetor.
Në këtë ndeshje, futbollisti francezo-senegalez i Napolit, Kaildou Koulibaly u përball me thirrje akuzat raciste, e për këtë arsye Interit i duhet të luajë dy ndeshje pa spektatorë.
Ndërkohë, edhe jashtë stadiumit pati një dhunë të shfrenuar ku viktimë mbeti një nga tifozët e Interit.
“Ne nuk duhet të shqetësohemi nga tifozët, të cilët janë 99.9 për qind njerëz të mirë, edhe pse delikuentë”, tha Salvini, duke shtuar se vetë do donte të zhdukte delikuencën brenda dhe jashtë stadiumit.
Ai gjithashtu njoftoi një ligj uniform për sigurinë në sport.
“Është e nevojshme të lejohen transferimet kolektive të tifozëve sepse është më e lehtë për të kontrolluar 1000 tifozë në një tren, se sa 100 vetura që hyjnë në qytet pa asnjë kontroll”, tha Salvini.
Ministri gjithashtu tha se ishte i prirur për të përcaktuar orarin ndeshjeve ditën se sa natën. /tesheshi.com/
