Presidenti turk Erdogan, ka lëshuar një tjetër valë akuzash ndaj kryeministri izraelit Netanjahu, si reagim pas ngjarjeve në Al Aksa, ku forcat izraelite kanë sulmuar besimtarë e klerikë, duke mos i lënë të futen në foltoren e famshme, vendi i tretë i shenjtë në botën islame
“Guxuan të ndotin me këpucët e tyre Mesxhid al-Aksanë dhe Kupolën e Shkëmbit (Kubetus’s Sahra). Ai grabitës pa pasur aspak turp po gjykohet vetë në Izrael. Netanyahu dhe gruaja e tij po gjykohen për grabitje, shpërdorime. Ndërkohë ky njeri thotë se ‘në Turqi gazetarët janë në burg’. Mos të na japin mësime nga atje”, tha Erdogan gjatë një fjalimi në Ankara.
Lideri turk u tregua tejet i ashpër kur tha:
“Netanjahu, eja në vete! Ti je një mizor që ke masakruar fëmijë palestinezë, t’i je një mizor që ke dënuar gratë në qeli dhe që ke burgosur mijëra njerëz që nga mosha shtatë e deri në 70 vjeç. Ti jo vetëm vendet tona të shenjta, por t’i ke përdhosur edhe ato të krishterëve, ku policët dhe ushtarët e t’u hynë me këpucë. Mos provoko! Ne në vendin tonë nuk kemi persekutuar asnjë hebre, nuk kemi vepruar ashtu sikurse ju kundër asnjë sinagoge. Mos na provoke!”, tha Erdogan. /tesheshi.com/
