Një incident ka ndodhur sot në plazhin e Tales në Lezhë, ku policia është konfrontuar me dy të rinj që ndodheshin në një skaf, madje një punonjës policie ka qëlluar me armën e shërbimit.
Deri tani nuk bëhet fjalë për viktima, por siç bëhet e ditur nga dëshmitarë në vendngjarje, policia kufitare u ka bërë thirrje të rinjve të ndalnin skafin, me të cilnin po ecnin me shpejtësi pranë bregut, dhe kur kjo s’ka ndodhur, kanë qëlluar në drejtim të tyre në një zonë të mbushur me plazhistë.
Kjo situatë ka alarmuar të gjithë pushuesit, të cilët janë trembur për jetën e fëmijëve të tyre të cilët po laheshin pranë bregut.
Siç mësohet, ata kanë telefonuar menjëherë policinë e Lezhës dhe situata po hetohet menjëherë nga strukturat përkatëse.
/tesheshi.com/
