Në prag të 25-vjetorit të vrasjes së gjykatësit Xhovani Falkone, persona ende të paidentifikuar kanë dëmtuar bustin e tij, duke thyer bazamentin, në një shkollë të Palermos që mban emrin e personazhit të njohur në luftën e shtetit italian kundër mafias.
Busti i është dhuruar shkollës nga Instituti për mbrojtjen e Traditës. Skulptura është në mermer dhe shumë e rëndë e është dashur forcë e madhe për të arritur thyerjen e bazamentit. Media italiane thotë se bëhet fjalë për vepër vandale të një grupi personash.
Edhe autoritetet e shkollës thonë se dëmtimi nuk duket të jetë punë fëmijësh. Episodi i regjistruar në këtë shkollë të Italisë duket se nuk është i izoluar, pasi një akt tjetër vandal është regjistruar në një lagje të qytetit të Palermos: persona të panjohur për policinë kanë djegur fotografinë e Falkones. Rasti është publikuar nga nxënësit e një shkolle aty pranë për median.
Nuk dihet nëse në shkollën “Xhovani Falkone” incidenti ka të bëjë më shumë me figurën e gjykatësit të vrarë apo me faktin që tre nxënës të kësaj shkolle, të sapodiplomuar, janë regjistruar për të ndjekur studimet në Lice. /tesheshi.com/
