Pas ish-ministrit Lefter Koka, i radhës ndër emra të bujshëm që pritet të arrestohen në kuadër të hetimeve për dosjen e Inceneratorëve, është ish-vartësi i tij, Alqi Bllako.
Ish-Sekretari i Përgjithshëm i Ministrisë së Mjedisit nën drejtimin e Kokës, të dy nga LSI, për Bllakon kërkohet arrest nga SPAK nën akuzën e shpërdorimit të detyrës.
Por aktualisht ai është me mandat deputeti. Dhe për këtë duhet të mblidhet Këshilli për Rregulloren, Mandatet dhe Imunitetin, që të japë autorizimin.
Politikisht, nga PS u tha se ndaj tij s’ka asnjë mbrojtje. Në një reagim, Taulant Balla se nuk mund të qe i gëzuar nga ky fakt, porse drejtësia e re kishte kushte që duheshin zbatuar si standart.
“Unë nuk jam i gëzuar për askënd që kërkohet një mase sigurie me arrest me burg. Në aspektin njerëzit, të të qënit fakti të kolegut, nga secili krah qoftë personi apo kolegu. në aspektin njerëzor, përgjigja e pyetjes tuaj; s’jam i gëzuar. Por kam një aspekt tjetër, që forcova udhëheqëse e PS ka pasur objektiv arritjen e një momenti që drejtësia të funksionojë dhe të vendoset para drejtësisë gjithkush pa dallim se nga cili krah vjen. Do punojmë në këtë drejtim për të thelluar efektet e reformës në drejtësi”, tha Balla. /tesheshi.com/
