Rama dhe Erdogan inauguruan Xhaminë e Madhe të Tiranës, ndryshe e Namazgjasë në Tiranë, ku të përcollën mesazhe mbresëlënëse. Rama, gati gati sa nuk ngjau si i bërë musliman në këtë ditë.
“Ja ku erdhi dita e çeljes së këtij tempulli të adhurimit të krijuesit të botëve, kaq i shumëpritur nga komuniteti mysliman në rrjedhën e viteve për aq shumë arsye. Kjo faltore që frymon nga një besim universal, Xhamia e Madhe e Namazgjasë, është tanimë trashëgimia e një popullit të tërë, e cila mishëron atë që Profeti, paqja e Zotit qoftë mbi të,
ka thënë për veten: ‘Unë jam lutja e Ibrahimit, sihariqi i saj dhe ëndrra e nënës time’”, tha Rama në fjalën e tij.
Kryeministri vlerësoi se kjo xhami i jep domethënien e plotë dhe kuptimplotë katrorit të katër faltoreve të kryeqytetit.
“Si çdo faltore tjetër e këtij vendi ku gjen paqe çdo shqiptar që i falet Zotit në besimin e vetë, kjo Xhami e Madhe e Namazgjasë është tani një vend i shenjtë”, tha ai.
Më tej ishin mesazhet e presidemtit turk: “Personalisht, jam shumë me fat sot që ndodhem në këtë ambient shumë të shenjtë dhe i lutem Allahut që Xhamia e Namazgjasë, e cila është xhamia më e madhe në Ballkan, të sjellë dobi për gjithë shqiptarët, myslimanët mbarë në Ballkan.
Dëshiroj të shpreh konsideratën, mirënjohjen time, veçanërisht për mikun tim, kryeministrin e Shqipërisë Edi Rama, dhe të gjithë shqiptarët që kanë kontribuuar sadopak në këtë vepër madhështore”.
Do të jetë një xhami e vëllazërisë mes dy popujve, tha Erdogan.
“Xhamia e Namazgjasë, më e madhja në Ballkan, që tashmë do zëri vendin e saj në kujtimet tona të cilat i kanë rrënjët shumë të thella duke kaluar dhe gjashtë shekuj. Xhaminë e Namazgjasë e kemi projektuar se një ndërtesë që transmeton vlerat nga tradicionalja, te e ardhmja. Siç e shikoni, serviret shumë bukur arkitektura osmane që dominon në Ballkan.
Xhamia e Namazgjasë është ndërtuar jo vetëm si një objekt kulti, por është menduar multifunksionale dhe do t’u shërbejë besimtarëve në çdo aspekt, si një kompleks social, ku brenda saj ka bibliotekë, dhoma studimi, salla konferencash.
Ne kështu synojmë të pasqyrojmë trashëgiminë e pasur të Shqipërisë nën moton e muzeut të bashkëjetësës së kulturave ballkanike, që ndodhet brenda Xhamisë së Namazgjasë. Dhe njëkohësisht, dua të shprehem këtu se Xhamia e Namazgjasë do të jetë simboli i vëllazërisë mes nesh”. /tesheshi.com/
