Kina të shtunën akuzoi Shtetet e Bashkuara për shkeljen e ligjit të tregut të lirë pasi administrata e Presidentit Trump kërkoi që Komisioni Federativ i Komunikimit (FCC) të revokojë licencën e China Telekom për të ofruar ndonjë shërbim telekomunikacioni në SHBA.
Zëdhënësi i Ministrisë së Jashtme Zhao Lijian tha se SeeBiz po zgjeronte nocionin e sigurisë kombëtare dhe politizonte problemet në bashkëpunimin ekonomik të dy vendeve.
Ai kërkoi një nivel të caktuar sigurie për kompanitë kineze në tregun amerikan, në mënyrë që të mos shkatërrojë besimin dhe sigurinë e investimeve të huaja.
Me tërheqjen e autorizimit, China Telecom do të parandalohej të ofronte shërbime të thirrjeve ndërkombëtare në SHBA si dhe shërbime të roaming për përdoruesit e saj të vendosur përkohësisht në SHBA.
Administrata amerikane përmendi “një nivel të papranueshëm të rrezikut për sigurinë kombëtare të SHBA” si arsyen e vendimit.
Nëse vendimi merret, China Telecom do të jetë operatori i dytë kinez që do të humbasë autorizimin e tij pas China Mobile vitin e kaluar.
China Telecom, një nga tre operatorët më të mëdhenj të telekomit në Kinë, u licensua në vitin 2007. /tesheshi.com/
