Shtetet e Bashkuara penguan një votim në Këshillin e Sigurimit të Kombeve të Bashkuara për një rezolutë mbi pandeminë virusale, mepretendimin se aty përmendet Organizata Botërore e Shëndetit (OBSH), thanë diplomatët.
Drafti i tekstit, i cili është negociuar që prej muajit mars, kërkon përfundimin e armiqësive në zonat e konfliktit në të gjithë botën, në mënyrë që qeveritë të mund të luftojnë kundër pandemisë.
Por Shtetet e Bashkuara kanë bllokuar procedurën që do të çonte në një votim për rezolutën, thanë diplomatët.
Presidenti amerikan Donald Trump pezulloi fondet për OBSH në mes të prillit deri sa Uashingtoni të vlerësojë se si kjo organizatë ka trajtuar pandeminë e koronavirusit.
Ai akuzoi OBSH për promovimin e dezinformatave kineze në lidhje me virusin, duke thënë se ka shumë të ngjarë ta përkeqësojë epideminë.
Nga ana tjetër, zyrtarët e OBSH u mbrojtën duke thënë se ata i kishin paralajmëruar vendet anëtare për një shpërthim në fillim të vitit.
Uashingtoni ka njoftuar se do ta përdorë këtë pezullim për të kërkuar partnerë alternativë jashtë OBSH për të vazhduar të kryejë punë të rëndësishme siç janë vaksinat, për të siguruar që nuk ka ndërprerje në përpjekjet e saj të ndihmës. /tesheshi.com/
