Kreret e LEGA-s dhe 5 Yjeve në Itali, si askund veç Trumpit, kanë dalë krah “jelekverdhëve” në Francë.
“’Jelekverdhë’, mos lejoni!”, shkroi Di Maio në blogun e Lëvizjes 5 Yje dhe deklaroi:
“Lëvizja 5 Yje është e gatshme që t’ju ofrojë mbështetjen e nevojshme. Ashtu si ju, ne dënojmë me forcë ata që shkaktuan dhunën në protesta, por ne e dimë se lëvizja juaj është paqësore”, ka thënë Di Maio.
Ai vlerësoi se qeveria e Emmanuel Macron nuk ishte në nivelin e pritshmërive ndaj vendit dhe shtoi se disa vendime politike në Francë mund të ndikojnë gjithashtu në Evropë.
Sipas Beta, qeveria franceze, si shumë qeveri, është e pranishme vetëm për të përfaqësuar interesat e elitës dhe interesit të privilegjuar e jo të popullit.
Mbështetje për “jelekverdhët” dha dhe kreu i LIGA-s, nga ministri i Brendshëm e njëherësh zv/kryeministri Matteo Salvini, por shtoi se ai dënon absolutisht çdo episod të dhunës.
“I mbështes qytetarët e përgjegjshëm të cilët po protestojnë kundër një presidenti dhe qeveria kundër popullit të vet, por absolutisht dhe me vendosmëri dënoj çdo episod të dhunës”, ka thënë Salvini.
Ky qëndrim i politikës zyrtare italiane, ngjan të jetë një shprehje inati ndaj Macron, me të cilin Roma ka patur fërkime kohët e fundit lidhur me çështjen e trajtimit të emigrantëve. Protestave të “jelekverdhëve”, iu është “gëzuar” po ashtu për të njëjtin shkak edhe presidenti Trump; pra për fërkimet me Macron, por lidhur me çështjet e Klimës. /tesheshi.com/
