Imer Selmani: Koalicioni maqedono-shqiptar i opozitës mund t’ia heq sundimin VMRO-BDI-së

Ish–nënkryetari i PDSH-së dhe ish-lideri i Demokracisë së Re, Imer Selmani në një prononcim televiziv në Tv “24 Vesti”, ka mirëpritur dhe inkurajuar informacionet për bashkëpunimin e opozitës dhe iniciativës për formimin e koalicionit  maqedono-shqiptar, e cila sipas tij, do t’i kundërvihej sundimit të VMRO-DPMNE-së dhe BDI-së. 
 
Ndryshe para zgjedhjeve të vitit 2011, selmani  dhe Demokracia e Re, iniciuan protesta për regjistrimin e popullatës, duke paraqitur kërkesa që do të parandalonin diskriminimin  e shqiptarëve. Kjo parti inicioi edhe vendosjen e bustit të heroit kombëtar, Xhemë Hasa, në sheshin e qytetit në Gostivar.  
 
Por në ato zgjedhje Demokracia e Re nuk arriti të marrë asnjë deputet. /tesheshi.com/