Policia e Shtetit ka nisur një operacion gjigand anti-kabanis në të gjithë territorin e vendit. Në shënjestër janë vënë parcela, serra, farishte, ish-depot e ushtrisë, tunele dhe banesa të braktisura. Flitet për mijra efektivë policie të përfshirë në këtë aksion.
Dhe kjo ndodh në një situatë të trazuar politike, ku opozita po zhvillon një protestë për rrëzimin e qeverisë, duke artikuluar akuza të shumta, ku ndër kryesoret mbetet kanabizimi i vendit nën qeverinë Rama.
Çështja e drogës e ka bërë copë imazhin e qeverisë, e cila siç duket po tenton ta përmisojë disi me aksione si ky që sapo ka nisur.
Ajo pati një spirale të çuditshme, ku pas ndërhyrjes historike në Lazarat, droga nisi të përhapej në gjithë territorin e vendit. Qeveria mbrohet me anë të statistikave, por perceptimi i opinionit është më i fortë në bindjen se kultivimi dhe trafikimi i drogës është shtuar si asnjëherë përgjatë 25 viteve. /tesheshi.com/
