Bakhmuti është skena e betejës më të gjatë dhe më të përgjakshme të pushtimit rus të Ukrainës. Dhjetë muaj luftime e lanë qytetin në lindje të vendit, i njohur për minierat e kripës, në gërmadha me shumicën e shkollave, apartamenteve dhe ndërtesave të tjera të shkatërruara.
Intensiteti i luftimeve është ulur dhe forcat ukrainase janë ende nën kontrollin e pjesës jugperëndimore të qytetit, tha zëvendësministrja ukrainase e Mbrojtjes, Hana Maliar.
Rusia ka njoftuar se ka kontrollin e plotë të Bahmutit dhe presidenti Vladimir Putin ka përgëzuar njësitë e ushtrisë dhe anëtarët e grupit mercenar Wagner për këtë.
Maxar Technologies publikoi imazhe satelitore të Bahmutit të marra me një vit diferencë – në maj 2022 dhe maj 2023 – duke treguar shkallën e plotë të shkatërrimit të qytetit.
Afro 70,000 njerëz jetonin në Bakhmut para luftës, tani kanë mbetur vetëm disa mijëra.
Sipas Komitetit Ndërkombëtar të Kryqit të Kuq, rreth 10,000 civilë ukrainas, shumica e të ciëve të moshuar dhe me probleme shëndetësore, po luftojnë për të mbijetuar në rrethana të tmerrshme.
Beteja për Bakhmutin u bë më shumë simbolike sesa një konflikt me rëndësi strategjike.
Nëse konfirmohet se qyteti është pushtuar plotësisht nga Rusia, do të ishte rezultati i parë i rëndësishëm ushtarak i Moskës që nga rënia e Soledarit, një qytet shumë më i vogël në verilindje të Bakhmut, në janar. /tesheshi.com/
