Imazhet më të mira të një jave plot zhvillime vijnë përmes fotografive në një përmbledhje të “The Guardian”.
Shkrepjet nuk fokusohen vetëm tek ngjarjet dramatike që shënuan ditët e fundit, por edhe në histori mbijetese dhe tek bukuria e ndërthurjes së ngjyrave dhe dritës. Më poshtë sjellim fotografitë më të mira.
Flamur-mbajtësi Kieran Riddell dhe shoqëruesit e tij kalërojnë përmes qytetit në një nga festivalet më të vjetra që daton prej betejës së Flodenit, më 1513 në Skoci.
Në Frankfurt të Gjermanisë dy kastorë afrohen tek kamera në lumin Nida.
Një nënë mban zi për vdekjen e fëmijës së saj 15-muajsh, viktimë e një shpërthimi të malarjes në fshatin Muma, Kongo.
Ushtarët izraelitë arrestojnë një palestinez në pikën e kalimit Qalandia pasi ai u përpoq të kalonte për të marrë pjesë në faljen e së premtes së tretë të Ramazanit në xhaminë Al-Aqsa në Jeruzalem.
Banorët marrin pjesë në La Patum, festivalin tradicional ku figura mistike shoqërohen përmes qytetit, në Berga, Spanjë.
Një ushtar në Mosul, ndihmon civilët të lënë shtëpitë e tyre gjatë ofensivës në vijim të trupave irakiane për marrjen e qytetit nga ISIS.
Një pulëbardhë e re nuk arrin të fluturojë në një çati në fshatin bregdetar West Wittering në Britani.
Punëtorët mbjellin në një fushë në afërsi të fshatit Verka në Indi.
Mbretëresha takon zjarrfikësit gjatë një vizite në qendrën e sporteve Westway që po shërben si strehë e përkohshme për të mbijetuarit e zjarrit në kullën e banimit në Londër.
Punonjësit e emergjencave vijojnë punën brenda rrënojave të Grenfell Tower.
Emigrantët dhe refugjatët në bordin e një anijeje shpëtimi pasi janë nxjerrë nga deti.
Njerëzit kërcejnë në det si pjesë e një tradite në Ashkelon, Izrael.
Artisti Li Hongbo jep një nga skulpturat e tij prej letre në Oqeanin e Luleve, ekspozitë në Pekin.
