Ikrime Sabri, ish-myftiu i Jerusalemit, e imami i xhamisë el-Aksa, ka folur për agjencinë e lajmeve Anadolu Ajansı, duke shprehur shqetësimin për situatën në Lindjen e Mesme, çka, sipas tij, i shkon për shtat Izraelit për të vazhduar shkeljet e dhunimet.
Imami i xhamisë el-Aksa ka thënë se Izraeli po përfiton nga dhuna dhe kaosi në botën arabe.
“Izraeli pushtues po përfiton nga ngjarjet e përgjakshme në botën arabe. Ai po krijon atmosferën e duhur për interesat e veta, dhe po organizon sulme në Jerusalem.”
Sabri ka theksuar se gjendja në rajon u shërben interesave të Izraelit, “Situata në rajon u shërben
drejtpërdrejt apo tërthorazi interesave izraelite.”
Ai u ka bërë një thirrje muslimanëve dhe arabëve: “Muslimanët dhe arabët duhet të bashkojnë radhët dhe t’i lënë mënjanë dallimet.”
Në fjalën e tij nuk kanë munguar dhe kritikat për mungesë veprimi në mbrojtje të el-Aksasë.
“Askush nuk ua ka vënë veshin thirrjeve tona për ta mbrojtur el-Aksanë. Qeveritë aktuale arabe dhe muslimane nuk duket se po e kryejnë detyrën.”
Nuk ka hapa të prekshëm në mbrojtje të el-Aksasë, ka nënvizuar ai, pavarësisht takimeve të fundit të Organizatës së Bashkëpunimit Islam.
Kompleksi i xhamisë el-Aksa është bërë shpesh muajt e fundit arenë e përplasjeve mes forcave izraelite të sigurisë dhe palestinezëve. /tesheshi.com/
