![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Presidenti i ri amerikan, Donald Trump, ka dëgjuar dhe ajete kur’anore në shërbesën fetare të kushtuar inaugurimit të detyrës së tij.
Imami Mohamed Magid, një figurë e njohur në Uashington, sipas CNN-it, ishte mes 26 udhëheqësve fetarë të ftuar për të marrë pjesë në shërbesën për nder të Trump-it.
Ai pritej që të këndonte thirrjen për namaz, ezanin, në kohën në dispozicion për të, por, ndryshe, këndoi dy ajete kur’anore.
“Një imam që pritej të thoshte thirrjen islame për lutje në një shërbesë fetare ndërbesimore për presidentin Donald Trump, këndoi në vend të saj dy ajete nga Kur’ani që përmbanin mesazhe të qarta politike për presidentin e ri dhe administratën e tij,” thuhet në një raportim të CNN-it.
“O njerëz! Ne ju krijuam nga një mashkull e femër dhe ju bëmë popuj e fise që të njiheni. Më i nderuar te Allahu është më i devotshmi. Allahu është dijeplotë, i gjithëditur!”
Ky është ajeti i 13-të i sures el-Huxhurat, i kënduar nga imami në shërbesë, pasuar nga ajeti 22 i sures er-Rum.
“Ndër shenjat e Tij janë krijimi i qiejve dhe tokës dhe larmia e gjuhëve dhe ngjyrave tuaja. Sigurisht, në këtë ka shenja për ata që dinë.” /tesheshi.com/
