Në prezencë të Papa Françeskut, imami i Universitetit prestigjoz të Al-Azharit në Egjipt, Sheikh Ahmed el-Tayeb, u bëri thirrje muslimanëve në Lindjen e Mesme, siç tha ,për të “përqafuar” bashkësinë e krishterë lokale.
“Vazhdoni të bashkëjetoni me vëllezërit dhe motrat tuaja, qytetarë të krishterë, kudo, sepse ata janë partnerët tanë në kombin tonë”, tha kleriku i lartë.
“Ju jeni një pjesë e këtij kombi, jeni qytetarë, jo pakica, jeni qytetarë me të drejta dhe përgjegjësi të plota”, vijoi më tej ai gjatë një ceremonie në Emiratet e Bashkuara Arabe, ku mori pjesë dhe kreu i botës katolike.
Ai gjithashtu u kërkoi myslimanëve në Perëndim që të integrohen në vendet pritëse dhe t’i respektojnë ligjet e atyshme. /tesheshi.com/
