Imami në xhaminë e Tabakëve në Tiranë, Elvis Naçi, është mjaft i njjohur për ligjeratat e tij, kjo edhe për faktin se është mjaft praktik dhe sjell shembuj konkretë për përhapjen e mesazheve.
Në një sosh, ai ka thënë se edhe në detajet më të vogla duhet kërkuar Zoti. Dhe për këtë, iu referua shembullit të tre futbollistëve të njohur, Lionel Messi, Christiano Ronaldo dhe shqiptarit Lorik Cana. Sipas tij, dhe pas golave të mrekullueshëm që ata shënojnë qëndron madhështia e Zotit.
“Bën goli Messi. Ka lidhje Zoti. Ti thua “shiko sa i madh Zoti, çfarë talenti i ka dhënë këtij, si e bën golin”.
Bën gol Ronaldo, thua “shiko sa i madh është Zoti që e ka krijuar, shi çfarë truri, çfarë fiziku i ka dhënë”, thotë imami Naçi.
Ndërsa për Lorik Canën, ish-kapitenin e kombëtares shqiptare, Naçi thotë se përveç se i talentuar është edhe i bukur, sa edhe të bashkosh Messin me Ronaldon s’ja kalojnë, se dhuntia e tij dhe e djemve të kombëtares ka nderuar Shqipërinë.
“Sa dhunti iu dha Zoti këtyre çunave të kombëtareve që na nderuan në kompeticione. Se të bashkosh Messin e Ronaldon, Lorik Cana është më i bukur, por ja ka dhënë Zoti”.
Imami ka kërkuar vëmendje të veçantë që fjala e tij të mos keqpërdorohet dhe të përdoret nga djemtë e rinj në rastet kur shohin në Instagram foto vajzash nudo.
“Mos të më dalë ndonjë i ri të më shkojë në instagram, të thotë shife këtë femrën që është zhveshur, çfarë ka bërë Zoti. Zoti e ka bërë edhe atë në fakt, po t’i mos e shijo e mos ia përhap dynjasë”, shprehet imami i njohur. /tesheshi.com/
