Imami i njohur i Tiranës, Ahmed Kalaja, ka premtuar ta denoncojë në polici rastin e një manipulimi kibernetik që ka patur si qëllim ta dëmtojë atë duke ia ndryshuar fjalët e shpërndarë ato qëllimkeqësisht.
“Manipulim me fotoshop ose programe të tjera.
Rasti që do e denoncoj në polici.
Qarqet që duan të mbjellin urrejtje ja çfarë manipulimesh bëjnë.
Një fare Besa Mollaj, profil i rremë që më vonë mbyllet si llogari, bën një pyetje dhe i jap përgjigje shkurt. Më vonë, përsoni në fjalë mbyll profilin edhe, pasi manipulon përgjigjen fillon ta shpërndajë në grupe të ndryshme.
S’më mbetet gjë tjetër vetëm se ta denoncoj në polici.
E bëra këtë sqarim që të mos besohet asgjë pa u siguruar nga burimi, sepse manipulatorë të tille janë shtuar shumë”, shkruan imam Kalaja në fb.
Sqarimin e tij, imami i njohur e ka shoqëruar dhe me foton si ilustrim i manipulimit të pretenduar. /tesheshi.com/
