Në ambientet e Fakultetit të Studimeve Islame në Prishtinë, u promovuan dy libra të hoxhë Iljas ef. Rrahmani, “77 Degët e Imanit” dhe “Nën Hijen e Diturisë”.
E vecanta e tyre është se ato janë shkruar gjatë viteve ‘40-’50, por që dritën e botimit pra e shohin dhjetra dekada më pas; që i bie t’i ketë shkruar në rini e t’i botohen në pleqëri.
Tashmë, hoxha i njohur i Kosovës, eksponent i brezit të vjetër, të cilët nuk e kanë “fatin” që të bëhen personazhe mediatikë që thonë këtë apo atë, gëzon 93 vite jetë.
Gjatë ceremonisë së promovimit të tyre, organizuar nga Bashkësia Islame e Kosovës, drejtor i sektorit të komunikimit në këtë institucion, Ahmet Sadria, tha se “kur të flasim për këtë hoxhë të nderuar kemi të bëjmë me një figurë shumë dimensionale, një personalitet që shërbeu në të mirë të fesë, vatanit dhe popullit dhe atë më përkushtim dhe pa përtesë”.
Hoxhë Iljas ef. Rrahmani, njihet dhe si mësues i Kur’anit në xhamin e madhe në Prishtinë. Sh. Rrecaj – /tesheshi.com/
