Ilir Meta është zgjedhur Presidenti i gjashtë i kohës së postkomunizmit. Në raundin e katërt të votimit, Meta ka arritur të marrë 87 vota pro, kryesisht të koalicionit qeveritar të majtë PS, LSI dhe PDIU.
Ka munguar në seancë opozita, e cila ka bojkotuar Kuvendin prej 18 shkurtit.
Meta zgjidhet President duke e zhvendosur selinë e kreut të shtetit nga e djathta në të majtë dhe ai përbën kryetarin e dytë të një partie politike pas Sali Berishës që zgjidhet në postin më të lartë të Republikës.
Ilir Meta është 47 vjeç dhe ka hyrë në politikë që prej 25 vitesh si një protagonist kryesor.
Tjetër rekord i Metës është se ai ka provuar të tre postet më të larta të shtetit: kryeministër, kryetar Kuvendi dhe më pas President. /tesheshi.com/
