Ilir Meta ka shpallur sonte zbatimin e skenarit të parashikuar që tesheshi.com e publikoi vetëm pak ditë më parë.
(shikoni linkun: http://localhost/tesheshi/trauma-e-1-prillit-ja-skenari-ilir-metes-qe-qarkullon-ne-qarqet-diplomatike/
Pas mbledhjes së kryesisë së LSI-së, Ilir Meta ka shpallur vendosjen e mandateve të partisë së tij në dispozicion të PD-së në mënyrë që të realizohen qëllimet e saj.
Në një konferencë për shtyp, Meta ka
kërkuar një dialog urgjent mes Edi Ramës dhe Lulzim Bashës për të gjetur një zgjidhje, duke miratuar një qeveri të besimit që policia dhe administrata të mos hyjë në zgjedhje.
“LSI vlerëson se vendi ka nevojë në mënyrë të veçantë për një qeveri te besimit për zgjedhje të gjithëpranuara e cila do të garantojë mospërshirjen e administratës së shtetit në zgjedhje, vecanërisht e policisë së shtetit, garantimin e një lufte të ashpër ndaj fenomenit të drogës dhe çdo përpjekje për financime kriminale dhe të paligjshme të zgjedhjeve si dhe garantimin transparent të procesit të dekrimiamlizmit”, deklaroi Meta.
Në lidhje me atë se si duhet të jetë “qeverisja e besimit”, Meta tha: “Qeveri e besimit mund të jetë edhe kjo siç është, që jep garancitë e duhura për të realizuar ato objektiva që përmenda, që administrata publike të mos jetë në presion për të blerë dhe mbledhur vota në mënyrë jo demokratike, që policia e shtetit të jetë asnjanëse dhe jo vetëm, por të jetë e angazhuar fuqishëm në luftën kundër drogës. Ne si LSI vëmë në dispozicion të gjitha mandatet tona, mandatet e ministrave tanë, mandatin e kryetarit të Kuvendit për një zgjidhje politike. Kjo nuk do të thotë se kemi një formulë të paracaktuar, por kemi vullnet për të reflektuar sa më shpejt përpara se të na fusin në një krizë më të thellë dhe më të pa menaxhueshme se sa tani”.
Edhe pse nuk tha troç Ilir Meta foli për shtyrjen e zgjedhjeve dhe një qeveri edhe teknike.
Dhe nëse nuk bëhet ajo do të ikë nga koalicioni por edhe nuk do të marrë pjesë në zgjedhjet e 18 qershorit.
“Nëse lidershipi i Partisë Socialiste nuk do të garantojë vullnet maksimal dhe dhënien e të gjitha garancive të mundshme për opozitën, që ajo të jetë pjesë e procesit zgjedhor, LSI jo vetëm nuk mund të jetë pjesë e një koalicioni të tillë, por as edhe një farse elektorale të mundshme. LSI është e qartë që midis të majtës dhe të djathtës zgjedh të majtën, midis zgjedhjeve demokratike dhe farsës elektorale, zgjedh zgjedhjet demokratike”, tha Meta. /tesheshi.com/
