Ilir Meta, gjatë takimit të Komitetit Drejtues të LSI-së deklaron se duhet një dialog mes palëve dhe se nuk duhet të ketë një garë se kush është më proamerikan, por kush është më proshqiptar.
Meta ka deklaruar se diplomatët nuk janë të gjithë engjëj dhe I përkrahu akuzat e opozitës ndaj një diplomati të BE-së. Duke mos qenë shumë i qartë, Meta tha se askush nuk duhet të na kthejë opozitën e Sali Rexhepit, por nuk ka folur për darën e zgjedhjeve 18 qershor.
Kryetari I LSI-së Ilir Meta shprehu keqardhje për faktin se nuk ka lëvizuar asgjë në drejtim të zgjidhjes. Një reagim i tillë nga Komiteti Drejtues i LSI-se, erdhi pas deklaratave të ndara të kryeministrit Edi Rama dhe kryetarit të opozitës Lulzim Basha ku u pa qartë se nuk kishin bërë asnjë hap prapa në kërkesat e tyre.
“Shpreh keqardhje se asgjë reale nuk ka lëvizur në drejtim të zgjidhjes, përvec afateve. Opozita nuk është regjistruar në zgjedhje dhe çdo ditë që ecim përpara pa dialog na con drejt një konflikti dhe krize efektet e të cilit askush nuk mund ti parashikojë. LSI ka bërë dhe do të bëjë më të mirën për dialog për zgjidhje dhe zgjedhje të ndershme e me standarde europiane. Koalicioni PS- LSI fitoi bindshëm para katër vitesh, fitoi 84 mandate, fitoi me qeverinë e Berishës, kur KQZ u ndryshua në mënyrë antikushtetuese. Unë besoj se një koalicion i tillë e ka akoma më të thjeshtë për tu rikonfirmuar . Nuk duhet të ftojë vetëm formalisht për dialog por duhet të jetë i përmbajtur në mënyrë që të mos I japë shkak palës tjetër. Sot, më shqiptar ëshë më toleranti, dhe ai që është më tolerant është më i fortë. Ne jemi gati të sakrifikojmë. Jam i sigurtë se nuk ka asnjë humbje vote. Edhe në 2013 u ndamë me Berishën nuk humbëm votat përkundrazi”, tha Meta.
