Kryetari i Kuvendit, Ilir Meta, ka ç’dramatizuar opinionin në lidhje me takimet e tij me Koço Kokëdhimën dhe Rexhep meidanin, duke deklaruar se ka drekuar me ish-presidentin pas një séance nga një klinikë estetike.
Meta tha se kishte planifikuar prej kohësh drekën me ish kreun e Shtetit, ndërsa Kokëdhima ishte rastësisht aty ngaqë ka pallatin e tij dhe erdhi na u bashkua.
“Kam pasur një drekë të planifikuar me profesor Meidanin dje. Z.Kokëdhima ka qëlluar rastësisht aty, pasi ka dhe shtëpinë afër hotelit, ka qëndruar një pjesë të kohës me ne dhe më pas është larguar”, u shpreh Meta.
I pyetur nga gazetarët nëse gjatë takimit me Meidanin është diskutuar për qeverinë teknike, nisur nga një propozim i hedhur nga vetë kreu i LSI-së disa javë më parë, Meta tha se ky nuk është një opsion për mazhorancën.
Për kreun e LSI-së koalicioni qeverisës vijon punën në përmbushje të detyrimeve ndaj qytetarëve shqiptarë.
“Me z.Meidani ishte një drekë e planifikuar prej kohësh. Kemi patur shkëmbime shumë miqësore. S’e kuptoj se pse duhet politizuar qoftë një drekë, qoftë një kafe, aq më tepër kur ua thash arsyen se pse unë vij kaq shpesh te Hotel Grand. Koalicioni ka programin e tij, detyrimet reciproke dhe vazhdon punën e tij. S’ka ndonjë arsye për t’i trazuar këto dy çështje të ndryshme. Koalicioni duhert të vazhdojë maksimalisht të përmbushë detyrimet e tij programore qeverisëse dhe morale ndaj qytetarëve shqiptarë, pasi ky koalicion qeveris të gjithë shqiptarët, në mënyrë të veçantë ndaj atyre që e kanë votuar, për të mos i zhgënjyer.
Ai iu përgjigj edhe deklaratës së kryetarit të PD, Lulzim Basha, i cili sot deklaroi se kushti i opozitës është qeveria teknike. Meta tha se ajo që ka deklaruar Basha, është ndryshe nga propozimi i tij tre javë më parë.
“Kam folur për një qeveri teknike që mund të garantonte klimën e besimit për reformën. Shikoja që shqetësimi i opozitës ishte shqetësimi se qeveria mund të përdorte pushtetin për reformën në drejtësi. Reforma u realizua me konsensus dhe pretendimet e opozitës u dakordësuan. Qeveria teknike që thotë z.Basha është diçka tjetër. Mund të them se angazhimi për zgjedhje të lira dhe të ndershme do të jetë maksimal dhe garantoj qytetarët se vota e tyre do të jetë e barabartë”, deklaroi kreu i LSI-së.
/tesheshi.com/
