Ilir Meta tërheq Edmond Haxhinaston nga qeveria duke shkaktuar një përshtjellim që ka rikthyer çështjen e ndryshimeve nga kabinet.
Formalisht çështja është shitur si “dorëheqje” nga ana e Haxhinastos, por mbrëmë kryesia e ngushtë e LSI-së ka vendosur zëvendësimin e Ministrit të Transporteve.
Siç mësohet, Sokol Dervishaj është kandidatura kryesore që pritet të marrë postin e Ministrit të Transporteve.
Largimi i Haxhinastos i është komunikuar kryeministrit Edi Rama nga ana e kreut të LSI-së, Ilir Meta, gjatë drekës që të dy kanë pasur në një lokal në qendër të Tiranës, pak ditë më parë.
Meta ka kërkuar largimin e Saimir Tahirit por Rama nuk ka pranuar.
Me largimin e Haxhinastos, Meta shpreson që të shkaktojë një trubullirë në Kuvend me anë të votave të dekretit të Presidentit.
Nëse ministri i ri i emëruar nuk do të votohet, atëherë do të hapet zyrtarisht kriza brenda mazhorancës. /tesheshi.com/
