Presidenti Ilir Meta pohoi mbrëmjen e së martës se dorëheqjet që ka pasur në karrierën e gjatë politike e kanë kalitur dhe e kanë rikthyer në formë.
Ai shprehet se asnjëherë nuk ka luftuar për postet që ka pasur me parimin: me çdo kusht, dhe aq më tepër me çdo çmim.
Sipas Metës, pozicionet që kanë pasur qoftë si kryeministër ashtu edhe si president kanë ardhur në mënyrë të natyrshme.
Megjithatë, ai shton se ka bërë lëvizjet e duhura në interes të perspektives së vendit, çka shpjegon shumë për postin që ai sot mban, atë të kryetarit të shtetit.
Në një rrëfim ndryshe në “Opinion”, Meta tha se edhe pse tashmë është President vijon të jetë sportiv.
“Përpiqem shumë për të evituar gjëra të panevojshme dhe të tepërta”, tha Meta. /tesheshi.com/
