Kreu i Kuvendit Ilir Meta ka deklaruar në Top Story se ai nuk kishe mend të rrëzonte Edi ramën, me të cilin tha se mund të vazhdoj koalicionin në 1017-n.
“Së pari ne mendojmë që ka mjaft çështje të tjera ku mund të kufizohemi si mazhorance. Thelbi ka të bëjë me ecurinë e këtyre dy 3 muajve sidomos sa i takon reformës së drejtësisë, nëse ka probleme në zbatueshmërinë e ligjit mund të sjellë dëme. S’ka presion nga partneri politik për një deklarim nëse do të vazhdojmë në koalicion apo jo.
Së pari unë besoj se fola qartë se çfarë është prioriteti im dhe forcës politike që përfaqësoj tek këto dy tre muaj, e cila është reforma në drejtësi. Së dyti duhet të kemi parasysh që në jemi duke bashkëpunuar me PS. A ka nevojë për përmiresimin e këtij raporti? Patjetër. A do të vazhdoj ky bashkëpunim në të ardhmen? Përse jo, por nuk është një vendim.
A duhet të rishikohen shumë çështje? Patjetër. Duhet të studiojmë modele koalicionesh tek vende të tjera në mënyrë që të mos kemi me analiza komente të ndryshme.
Unë mendoj që më e rëndësishme se sa ky post apo ai post mbeten objektivat dhe realizimi i tyre nga koalicioni. Ajo që s’më pëlqen është që kemi ende një tension politik në vend, të cilin mund ta kishim menaxhuar më mirë”, tha Meta.
/tesheshi.com/
