Presidenti Ilir Meta deklaroi se ia kishte dhënë shtetësinë shqiptare Kryepeshkopit Janullatos, pas bindjes së tij dhe kërkesës së një numri intelektualësh shqiptarë.
“Ai nuk është një njeri i zakonshëm. Përse është i jashtëzakonshëm? Ai është një erodit, një shkencëtar në fushën e besimit, është një filozof, është një mendimtar, është një krijues, është një misionar, është një idealist”. është shprehur Meta.
Por kreu i shtetit, në intervistën e dhënë për Blendi Fevziun në Opinion, nuk e specifikoi se kush janë këta intelektualë që kanë kërkuar që Janullatos të bëhet shqiptar, ndërkohë ka pasur mjaft kritikë për këtë vendim.
Kreu i shtetit shqiptar e konsideroi Kryepeshkopin grek të Kishës Ortodokse shqiptare, si një klerik që ka dhënë një kontribut të rëndësishëm për ortodoksinë në Shqipëri.
“Hirësia e tij ngriti kishat nga hiri komunist që kishte shkatërruar objektet e kultit”, tha Meta.
Presidenti i Republikës tha se bën një jetë të zakonshme dhe gabimi i vetëm i tij ishte ditëlindja e tij në Lalëz.
“Unë nuk kam bërë dasëm, as ditëlindje s’kam festuar kurrë. Ai ishte gabimi im se u kqpërdor nga njerëzit, pasi unë bëj një jetë modeste…”, tha Meta. /tesheshi.com/
