Ilir Meta, ka paraqitur sot pas ngjitjes zyrtare në Presidencë, kushtet për një paqe me Edi Ramën.
Tek Sokol Balla në Top Story, Presidenti i ri ka bërë të ditur se nuk do të kishte asnjë problem me kryeministrin nëse ky i fundit do të tregohej bashkëpunues dhe do t’i linte Metës që të bënte lirisht emërimet në institucionet ku tashmw ai ka kompetenca si kreu i shtetit.
“Unë e thash qartë. Sapo hyra këtu lash pas 25 vite në politike. Është detyrim kushtetues dhe qytetar dhe unë jam i hapur për bashkëpunim jo vetëm me z. Rama por edhe aktorët e tjerë politikë në vend. Është detyrim”, deklaroi Meta i cili a bërë të ditur se marrëdhënia e tij publike me LSI ka përfunduar.
“Por sa për këto historitë me LSI-në duhet të përsëris se kur është krijuar LSI-ja është përcaktuar në statut që kryetari nuk duhet të rrinte më shumë se 2 mandate. U tejkalua dhe sikur të mos ndodhte zgjedhja president, qëndrimi im në krye të LSI do të kishte përfunduar. Tani jam i përqëndruar në një detyrë të re.
Janë të gjitha mundësitë që ky institucion (Presidenca) gjatë këtyre 5 viteve t’iu provojë qytetarëve se është një institucion që punon për ta dhe për vendin”, deklaroi më tej Meta. /tesheshi.com/
