Më në fund ka ndodhur ajo që pritjej.
Si në korrik, Ilir Meta është gati të ndërhyjë si faktori që zgjidh situatat, apo negociatori që shpëton vendin nga destabiliteti.
Në një intervistë pwr një media pranë tij, Meta është shprehur i gatshëm të hyjë të dialogojë me Lulzim Bashën në çadër, se përndryshe tha ai vendi do të zhytet në kaos.
“Çështja e zgjedhjeve dhe çështja e vazhdimit të reformës dhe zbatimit të ligjit të Vetingut kërkon një dialog më pro aktiv dhe bashkëpunues. Ka ardhur koha që Shqipëria ta pastrojë njëherë e mirë temën e zgjedhjeve me probleme. Kjo kërkon një dialog politik proaktiv, larg ultimatumeve”.
Kryetari i Kuvendit i ka lëshuar më pas një paralajmërim Edi Ramës që s’po e vret fare për çadrën e PD-së.
“Cenimi i zgjedhjeve, aq me keq dështimi i tyre do të ishtë një pengesë dramatike për të ardhmen e stabilitetit të vendit, sepse për integrimin europian nuk bëhet më fjalë”, tha kreu i LSI.
Ilir Meta tha se në cilësinë e kryetarit të Kuvendit është i gatshëm të kontribuojë në krijimin e urave të dialogut që do të mundësojnë zgjidhjen e problemeve. /tesheshi.com/
