Ilir Meta, ka bërë atë që asnjë nga gjashtë paraardhësit e tij, Presidentë të Republikës nuk e kanë bërë.
I ka dhënë shtetësinë shqiptare grekut Anastas Janullatos, të cilin Patriakana e Stambollit e solli në Shqipëri në vitin 1991 si Kryepeshkop të Përkohshëm të Kishës Ortodokse Shqiptare, por ë ai qëndroi plot 27 vjet.
Në një letër që Presidenti Ilir Meta ja dërgon Janullatosit, thekson:
Fortlumturia Juaj,
“Në këtë ditë të bekuar të Krishtlindjeve, jam shumë i lumtur t’ Ju bëj me dije se kam marrë vendimin, edhe në vijim të vullnetit Tuaj “…për të vërtetuar lidhjen e pandashme me vendin që doni sinqerisht dhe i shërbeni me vetësakrifikim…”, t’ Ju jap shtetësinë shqiptare, nëpërmjet Dekretit të Presidentit të Republikës së Shqipërisë, Nr. 10700, të datës 22 dhjetor 2017.
Duke shprehur bindjen time se ky veprim, jo vetëm përmbush një detyrim institucional, por është edhe shprehje e mirënjohjes ndaj Jush dhe aktivitetit e përkushtimit Tuaj shpirtëror në Shqipëri, Ju uroj sërish Juve, besimtarëve ortodoksë, të krishterë e të gjithë shqiptarëve, të kalojnë Krishtlindje të bukura, të gëzuara dhe të lumtura dhe lutjet e kësaj ditë të shenjtë të sjellin më shumë paqe, dashuri, harmoni e mirëkuptim jo vetëm mes nesh, por edhe mes të gjithë kombeve të botës”.
Vetëm disa ditë më parë, Janullatos deklaroi në një intervistë që pasardhësi i tij do të ishte shqiptar, kur papritur Ilir Meta i dha shtetësinë vetë grekut që erdhi i përkohshëm, duke i dhënë mundësinë që të qëndrojë deri sa të jetë gjallë në postin e Kryepeshkopit. /tesheshi.com/
